Die Hessequa Munisipaliteit sal 'n Inwoners Tevredenheid Opname in die volgende drie weke in die gemeenskappe van Stilbaai, Jongensfontein, Melkhoutfontein, Albertinia, Gouritsmond, Riversdal, Heidelberg, Slangrivier en Witsand doen.

Hierdie opname is een van die nuwe inisiatiewe wat die Raad gebruik om te verseker dat Batho Pele beginsels toegepas word. Voortvloeiend hieruit is die ontleding van u terugvoering om inderdaad kwaliteit dienslewering te verseker.

Die opname is gebaseer op 'n steekproef basis en sal sleg 10% van alle huishoudings deur veldwerkers besoek word om onderhoude mee te voer. 'n Verdere 20% verbruikers wat hulle rekeninge per epos ontvang sal ook die geleentheid kry om aanlyn hul opinie te lewer d.m.v. 'n skakel na die vraagstuk wat aan die persone versend sal word.

Die veldwerkers sal duidelik identifiseerbaar wees met 'n ID kaart wat op sy/haar uitrusting ten toon gestel word met die woorde "Field Worker" gedruk op die rug. Die vraagstuk bestaan uit 11 kort vrae en behoort die onderhoud nie langer as 10 minute te duur nie. Vir verdere navrae kontak gerus mnre, L de Villier of S Block by Tel: 028 713 8000 gedurende kantoor ure.

Die Raad dank u by voorbaat vir u aktiewe bydrae om deel te neem aan die proses.

Die nege biblioteke in Hessequa Streek wat binnekort na die nuwe gerekenariseerde SLIMS-stelsel oorskakel , is druk besig met die voorbereidings.

Feitlik alle herregistrasie van lede is afgehandel. Daar is egter nog lede wat nog nie op die versoek om te herregistreer gereageer het nie. Daar word weereens ‘n beroep op lede gedoen om hulle plaaslike biblioteke te besoek om sodoende hul persoonlike inligting op te dateer.

Bestaande lede sowel as nuwe persone wat wil aansluit, word herinner om die volgende inligting te verstrek nl., ID, kontaknommers, pos- en straatadresse en kinders se geboortesertifikate of ‘n afskrif daarvan indien ouers hul kinders laat aansluit.

Lede wat reeds geherregistreer het se biblioteekkaarte word tans voorberei. Dit is ‘n tydsame proses, aangesien ‘n strepiekode, die lid se naam en die bibioteek se kodenommer op elke kaart met die hand geplak word.

Personeel werk onverpoos om die stelsel so spoedig moontlik te kan implementeer. Alle ander take en dienste gaan voort soos gewoonlik en daar word gepoog dat die bykomende werk nie die gewone daaglikse diens benadeel nie.